 |
| Iturri zaharretik ur berria |
Hogeita hamar urte dira Bizkaiko
Elizak Batzar Nagusia ospatu ebala. Espiritu Santuaren dohaia. 15.000 eliztar
baino gehiagok hartu genduan parte taldeetan Bizkaia osoan.
Handik
aurrera, Vatikanoko II. Kontziliori zintzotasunez jarraitu gurean, hiru erro
nagusi zabaldu ziran gurean:
1.-
Eliza sinodala edo korresponsablea, danok kontuan hartuz. Pastoral kontseiluak
zabaldu ziran ugari.
2.-
Laikoen Eliza. Askok eta askok hartu eben parte formazio kurtsoetan. Gaur egun
parrokietan dabizen gehienak orduko formazioa jaso eben.
3.-
Bertoko Eliza. Gure herriari leiala izan gurean, herri txiki eta euskaldunetan
ere bai.
Espiritu
edo estilo hori, geroztik, Ebanjelizazio Planetan gauzatu da. Hiru lau urte
irauten ebenak. Bitartean etorri dira gotzain barriak, gu gero eta gitxiago
gara, gero eta zaharrago,
eta ura ardoari lez, gure
hasierako abiada moteldu egin da.
Frantzisko
Aita Santuak bizkortzeko ahalegin handia egin dau. Helduko da hori guregana?
Bosgarren
Plana martxan jarri aurretik, talde zabal batek Batzar Nagusi bat egitea
proposatu genduan. Gotzain taldeak ez dau ontzat emon, eta sei batzarreko
gogoeta bat proposatu deusku.
Taldeka
egiteko diszernimendu edo argitze aldi bat gehien bat.
Lehenengoz
itaunduten da “Zer itxi behar dogun?” Eta hori ona da. Ezin jarraitu orain arte
egin dogunari jarraituz, gizarteak aldaketarik ez dauela euki pentsatuz.
Aita
Santua be honetan ausarta da, gu baino ausartagoa. “Beti egin da holan” ez dala
erizpide edo kriterioa dinosku bere Ebanjelioaren
Poza eskutitzean.
Pagolak
dinoskun legez, gaurko gogoetan, ebanjelioa kontuan hartuz: “Beste hau izan
liteke, ordea, gauzarik larriena: parabolako morroiari gertatu jakon bezala,
guk ere uste izatea, Jainkoari zintzo erantzuten gabizelakoan geure kontserbatismo-jarreraz
jarraitu, egiaz egiten doguna harek itxaroten dauenari huts egitea dalarik.
Gaur egun, Elizan egin beharreko zereginik garrantzizkoena, ez da iragana
gordetzea, Jesusen Barri Ona komunikatzen jakitea baino, inoiz ez bezalako
kanbio sozio-kulturalak bizitzen dituan gizartean”.
Ebanjelioa
sakondu, ebanjelioa zabaldu izan dogu Arratian urteotako lema. Egin
dagigun ba hauxe berau, Elizbarrutiagaz batera eta Aita Santuaren
bedeinkazioaz.
Iturri zaharretik
edaten dut,
ur berria edaten,
beti berri
den ura,
betiko
iturri zaharretik.
Iturriak izan aurretik
ugari zen uretik
edaten dut,
ura
baino lehen zen
iturritik edaten,
inoiz
agortzen ez den,
eta inoiz lehortzen ez den ura
isurtzen duen iturri bakarretik,
iturri guztien iturburutik...
JoxAnton Artze
No hay comentarios:
Publicar un comentario