Día mundial de los pobres, Cena solidaria, 16 noviembre, 19:30

Día mundial de los pobres, Cena solidaria, 16 noviembre, 19:30
Klikatu irudian informazino gehiago jasoteko

sábado, 28 de octubre de 2017

Nora galduak + Esku hutsik hiltzen gara: Xabier Lete




Nora galduak zineten gure lagun hurbilak
bizitzaren ibiltari egun batean hilak
zuen itzalek  diraute gaur, gaueko ametsetan...





(Bitoriano Gandiaga, Jexux Artxe
eta Julen Lekuona gogoan)

Nora galduak zineten gure lagun hurbilak
bizitzaren ibiltari egun batean hilak
zuen itzalek  diraute gaur, gaueko ametsetan
bizidunaren solasgai diren min handietan.

Ederrak ziren egunak, arratsalde beteak
baratzaren loredira zeramaten ateak
zuen pozak, hunkipenak, irriaren zantzuak
hainbat aldiz izoztuak aladura antzuak,
izan zineten, osorik, gorputz eta izpirituz
itsaso baten ertzean harriduraz geldituz.

Orain zuen bideetatik doa gure bizitza
zuentzat gure negarra, maitasunezko hitza,
ez zaudete guztiz urrun, guregan zuen egoitza
zuengan gure iragana, oroitza eta otoitza
bizien eta hilen loan besarkatuko dira,
han gaude orduaren zain, azkenari begira.

(Xabier Lete)



Azkenik esku hutsik hiltzen gara
biluztasunak itzultzen gaitu
gure lehen sorlekua izan zen loaren atsedenera,
zetarako orduan ospea, garaipena,
afanaren ondasun pilatuak,
bide bat izan genuen mundutik ibiltzeko
eta gero urratsik gaeb gelditu
bizitzaren eraikuntza gainbeheratzean,
horrela izan da handientzat, ttikientzat 
denontzat horrela beti 
hain izanik iragankorrak 
zu, ni, hura eta denok batera azken ordua arte, 
azkenean azkenak berdindu ditzan 
gure demak, gure lehiak, 
esku hutsik hiltzen gara ordu kunplituan.

(Xabier Lete)
Publicar un comentario