Jaso dot kaliza

 

Olatu hotsa gabaz
Itsas lo-zurruna
Eguzkiak laztanaz
Garbitu lurruna
Barri onaren pozak
Jaungoiko zurruna
Berton guregan zagoz
Ez zara urruna.

Poema liburutik
Ihesi bihotza
Espirituak berotu
Aspaldiko hotza
Errukiaz jantzirik
Ez zara zorrotza,
Etxeko lagun kutun
Ez zaitut arrotza.

Zeruak eta lurrak,
Kanala, Eliza,
Haize bufada dantzut
Otoi baten gisa.
Zure gureganako
Altzoa, geriza,
Opatuz, bedeinkatuz
Jaso dot kaliza.

Atxarre, Ereñozar,
Itsasadar, baso,
Egungo erromesak,
Lehengo arbaso,
Bedeinkatuz lur eta
Kantauri itxaso,
Euskal kanta artean
Kaliza dot jaso.