Hemen duzue Abendualdi honetan etxeko txikiekin bihotza prestatzeko egutegia.
Izan ere, mila egutegi mota topa dezakegu salgai supermerkatuetan: txokolatezkoak, jostailuz osatuak…baina Jesusen Jaiotza gure bihotzean behar bezala jasotzeko gutxi daude.
Jatorrizko ideia nire semearekin batera abendualdia modu berezian bizitzeko sortu zen, Gabonak jostailuen katalogoetatik haratago elkarrekin kokatzen saiatzeko eta Jainkoaren Berri Ona jasotzeko ilusioa bihotzean ereiteko. Gabonetan haur egiten den Jainko honek, txikitasunari begiratzera eta samurtasunaren iraultzan parte hartzera gonbidatzen gaitu; eta gure etxeko txikien bitartez (eta haiekin batera) baietza emateko aukera paregabea dugu.
Egutegia inprima daiteke eta etxeko lekutxoren batean jarri. Egunean zehar, hara gerturatu eta eguneko ekintza txikia burutu; egindakoan, gomets bat jar dezakegu laukitxoaren gainean, lagungarria izango da txikiarentzat, eguna errazago kokatzeko.
Egutegiarekin batera, eranskinak dituzue: margotzekoak, apaingarriak, osatzeko Jaiotza… eranskin bakoitza zein eguni dagokion adierazirik.
Zorioneko Abendualdia opa dizuet!
No hay comentarios:
Publicar un comentario