Famili Meza San Bartolome-Mertzede: Urtarrila: eskolan baloreak ikasi eta fedea bizi

Seguimos jugando al parchís de la vida en la celebración familiar de San Bartolome Mertzede. Hoy nos hemos centrado en la escuela o colegio, donde pasan muchas horas nuestros chavales, juegan, aprenden valores en clase y en el recreo.  Hemos dado gracias a Jesús por la suerte que tenemos y hemos pedido ser solidarios con los chavales del mundo que no tienen esa suerte.

Próxima celebración familiar domingo 16 de febrero. Erdu!

SARRERA 

Familia meza honetan, gure txiki ta gaztetxoen bizitzan eskolak duen garrantzian jarri dogu arreta berezia.

Eskolan ordu asko emoten dabez, gauza asko ikasten dabez (ume bakoitzari bere talentu ta bertuteak topetan laguntzen jakoz…) ta euren artean dituzten harremanak ere garrantzitsuak izaten dira. Eta gure lana, Jesus gure Itsasargi izanik, pertsona zintzo eta leialak eraikitzea izango da. Hori dela eta, elizkizun honetan, Jesusi bere argitasuna eskatuko diogu eta honekin batera, familiei ere beraien berotasuna, egia esaten ta inor minduten ez daben seme-alaba zintzoak izan ditzagun. Honez gain , gaur, ume misiolariak kanpaina ere gogoan dugu. Aurten bere goiburua hauxe izanik: “Daukadana partekatzen dot”.

Hasi dagigun ba ospakizuna Jauna goratuz eta Ama Ona abestuz.

PARKAMEN OTOITZEN AURRETIK

2025ean, barkamen eta itxaropenari zabalik egon behar gara. Eskolan eta gure inguruan, parkatu egin behar dugu eta baita besteengandik parkatuak sentitu ere, Jesusek beti parkatzen gaituelako. Beraz, elizkizun honetan, Jaunari parkamena eskatuko diogu egindako akats guztiengatik.

 

PARKAMEN OTOITZAK

- Jauna, batzutan gure zereginetan ez dogu egin behar dogun beste egiten, gauzak erdizka edo egin barik izten doguz. Parkatu eiguzu Jauna.

 - Jauna, batzutan besteen lepora barre egiten dogu. Parkatu eiguzu Jauna.

 - Jauna, txarto egin doguna ez dogu gura izaten besteek jakitea eta beti irabazi gura izaten dogu, horregaitik batzutan guzurra esaten dogu edo tranpa egiten dogu. Parkatu eiguzu Jauna.

ESKAINTZAK (Motxila bat, baloi bat eta gure partxiseko pegatina)

Jainko Aita /Ama Ona, gaur zure altara gainera motxila bat, baloi bat eta zure gorputz eta odola aurkezten dizkizugu.

Objektu hauen bidez, eskolak gure gaztetxoen bizitzan duen garrantzia goraipatu nahi dugu.Arinagoko familia mezetan, lagunekin eta familian egin dugun bezala, gaur, lagundu eiguzu Jauna, itxaropena izaten eta mundu hobeago bat eraikitzen.

Umeei eskolan, bai gelan zein patioan, erakutsi deiogun pertsona zintzo ta bihotz onekoak izaten. Eta Jesusen antzera, bere Barri Ona zabaldu daigun beraientzat eredugarri izanik; inori minik egin barik eta ingurukoei parkatuz.

 ESKAERAK 

- Elizearen alde:  Modu sinodalitatean lan egiteari zintzo jarraituz, Espirituaren eraginez  pausoak emon dagizan. Eskatu deiogun Jaunari.

  - Gure eskoletan Hezkuntzak ematen dizkigun aukerak baloratzen ikas dezagun. Umeen talentuak landuz eta elkarbanatuz, gure esperantza sendotu eta mundu hobeago bat lor dezagun. Eskatu deiogun Jaunari.

  - Munduko ume guztien alde, ume pobreen alde. Fedea, maitasuna eta dirua partekatu dagiguzan eurekaz.  Eskatu deiogun Jaunari.

  - Eukaristia honetan parte hartzen dihardugun guztion alde: gugan dagoan Jesusen Espirituari gure bizitzak zuzentzen itxi deiogun beti. Eskatu deiogun Jaunari.

Famili Meza San Bartolome-Mertzede: Urtarrila: hasi da urte barria, partxisean olgetan jarraitzen dogu!

Katekesian dagozan familientzat, katekesia egin daben familientzat, edozein familia eta eliztarrentzat. Ondo etorri. Jarri bidean! Ospatu Jainkoaren maitasuna, Ospatu gure arteko maitasuna.

Para las familias que andan en catequesis. Para las familias que terminaron la catequeis. Para chavales, padres y abuelos.  Para todas las familias y feligreses. Celebrar el amor de Dios y celebrar el amor mutuo.

Domingo 19 de Enero, 12:00 San Bartolome Martzede parrokian. Erdu! 

Abendua: Abenduko izarra eta Harri bihotz

Abendualdia, gabonen ataria, bidea egiten goaz Jesus gurean jaiotzeko. Abenduko hirugarren domekean hona zer egin dogun:

SARRERA

Abenduldiko hirugarren domekeak aparteko alaitasun jarrera batera dei egiten deusku: Jaunaren etorrerea gainean dogulako pozik egotera.

Maite dogun norbaiten bisita itxaroten dogunean, ahalegin guztiak egiten ditugu, gure bisitaria pozik gelditu daiten.

Amaitu barri dogun Sinodoak dei egiten deusku “alkarregaz ibili, alkarregaz ebatzi” eta hau, alkartea eraikitzeko era ezin  hobea da.

Gaur ere, alkarte moduan hemen batu gara, familia-meza ospatzeko.

Eta gure buruari galdetuko deutsagu: Zeintzuk dira nire inguruan dauden ALKARTEAK? Gaurko egun honetan, bereziki, Gernikaldeko Pastoral Batzordea, herriko alkarteak eta gure parrokia gogoratuko ditugu. Abendualdi honetan, alkarte hauek dira guretzat, Jainkoarengana heltzeko bidea argitzen diguten IZARRAK.

Gu ere, alkarte moduan, izarrak bezala, argitasun izan gaitezela gure herrian.

                 Guk, kristauok, Mesiasen etorrera gertatzen dihardugu. Eukaristia bonetan, ospatu dagigun sentitzen dogun poz hau, geure anai-arrebakin alkartuta eta hasi dagigun ospakizuna abestuz.

 

           

JAINKO HERRIAREN OTOITZA

·    Eleizearen alde: Espirituak argitu dagiala bidea eta eleiztar guztiekaz batera, Jesusek erakutsitakoa  jarraitu dagigun. Eskatu deiogun Jaunari.

 

·   Une honetan sufritzen dagozanen alde: gaixoak, batez ere,   eta momentuz osasunez aurkitzen garenok alkartasunez jokatu dagigun. Eskatu deiogun Jaunari.

 

·   Hezitzaileen alde: Eskaut eta aisialdiko taldeetan neska-mutiko eta gazteen heziketan diharduenei euren ahalegina autortu deiegun. Eskatu deiogun Jaunari.

 

·   Eukaristia honetan alkarturik gagozanon alde: gure parrokiak sinodo erara eraiki dagiguzan, pastoral juntak eta batzarrak bultzatuz.  Eskatu deiogun Jaunari.

Harri bihotz eta abenduko izarra, abenduko ipuina, klikatu hemen

Azaroa: Famili Meza solidarioa: gure herria maite dogu, ogia eta bakea herri guztientzat

Familia talde handi bat batu gara gaur, Gernikaldeko hamaika herrietatik etorrita, gure fedea ospatzeko. Eguraldi onak eta giro ezin hobeak lagundu deusku egun hau ospatzen Ume solidarioaren egunegaz batera.

Jaunaren Hitza, kantak, partxisa.

Senegalen jaiotako Gissellek kontatu deusku hango umeen egoerea. Ez da izan kasualidadea. Aurten Ume Solidarioan batu dana, Seneglaeko umeen alde izango dalako.

Meza ostean, txistuen alaitasunagaz eta kale jiran plazra joan gara azokan parte hartzeko.

Misa Familiar Solidaria: Amamos nuestro país, pan y paz para todos los pueblos

Un nutrido grupo de familias nos hemos unido hoy, procedentes de muchos pueblos de Gernikaldea, para celebrar nuestra fe. El buen tiempo y el inmejorable ambiente nos han ayudado a celebrar este Día del Niño Solidario.

La Palabra del Señor, las canciones, el parchís...

Gisselle, nacida en Senegal, nos ha narrado la situación de los niños de Senegal. No ha sido casualidad. Lo que se ha recaudado este año en Ume Solidarioa, estará a favor de los niños de Senegal.

Tras la misa, con la alegría de la música del txistu, hemos acudido en kale jira a la plaza para participar en la feria.

Gogoeta

Danok bizi gara herri baten, bardin da handia zein txikia izan. Jesus ere herri baten hazi zan eta hortik dauka bere ezizena: Jesus Nazaretekoa. Guk ere gure herria ezagutu eta maitatu behar dogu, gurea dalako, ez onena dalako. Jesus ere herri txiki batekoa zan eta gauza handiak egin zituan.

 Guk ere gure herrian bakea zabaldu daikegu. Eta zelan badiran familia asko arazoekin, daukaguna banatzen ere ikasi behar dogu: Jatekoa ez bota eskolan edo etxean, gauzak aprobetxatu eta ez ibili beti eskatzen. Eta daukagun apur horretatik zeozer konpartitu.

 Kanta bat:

 Herrian bakea zabaldu. Danontzat ogia banandu!

 

Ebanjelioa:

 

Felipek Natanael aurkitu zuen, eta esan zion:

–Moisesek legearen liburuan eta profetek beren idazkietan aipatu zuten hura aurkitu diagu: Jesus, Joseren semea, Nazaretekoa.

Natanaelek esan zion:

–Ezer onik atera ote daiteke Nazaretetik?

Felipek erantzun zion:

–Etorri eta ikusi.  Jn 1, 45-46

 

Famili Meza Urria: goazen, jarri bidean lagunakaz

El parchis tiene los cuatro colores de los ejes de nuestro Plan Diocesano de evangelización: S ervir/zerbitzua (gorria); comunidad/alkartea (horia); anunciar/iragarria (orlegia) eta celebrar/ospatu (urdina). El parchis es un camino en grupo, todas las fichas se ayudan hasta llegar al centro. Jesús, el faro que ilumina nuestro camino, él es el centro, helmuga, meta. Goazen! Jarri bidean! Nora? En la parroquia de San Bartolomé Errenteria un grupo de familias se han puesto en camino.

Familia meza honetan partxisaren irudia, Itsasargia eta txalupa ikus ditzakegu sinbolo moduan.  Partxisa, bidea da, gure eguneroko bizitza eta partxisaren helmugan Itsasargia dugu. Beraz, gutariko bakoitza, eguneroko bizitzan aurrera egiten ahalegintzen gara, batzuetan arin, puntu handiak atarata partxisean bezala ta beste batzuetan astiro, fitxa jan doskuelako… Baina guk bakarrik ezin dugu aurrera egin. Bata bestearen laguntza behar dugu, lagunak edukitzea ezinbestekoa da. Lagun artean eta alkartean gauzak hobeto egiten direlako.

Beraz, gaurko Ebanjelioak dinoskun moduan, partxiseko Itsasargira heltzeko, Jesusek bere taldekoak izatera gonbidatzen gaitu, alkartea eratzera eta bere Barri Ona mundu guztian zabaltzera. Gaur, Domund egun honetan, misioak ditugu gogoan eta Jaunak, “Bidera irten eta aurkitutako lagun guztiak gonbidatzera” animatzen gaitu. Gu ere Jesusen antzera, arrantzale misiolari eskuzabalak izan gaitezala, goazen lekura Jesusen Argia eramanez.

Goazen ba! Jarri bidean! Eta izan gaitezen misiolari gogotsu abestuz.

ESKAINTZAK:

Sarea: Sare honen bitartez bakoitzak ditugun birtute edo gaitasunak eskaintzen dizkizugu Jauna. Izan gaitezala, Jesusen antzera, errukior eta bihotz-onekoak. Goazen lekuan, giro ona sortu dagigula, denok anai-arrebak izanik, norgehiagokak baztertuz eta batasuna sortuz.

Farola: Itsasargia Jesus den bezala, guk ere gure farola aurkezten dizugu Jauna, bere argitasunaz argitu ditzagun gure lanak, gure ingurukoak, gure hartu-emonak…eta misiolariak izan gaitezen goazen lekura Zure Argia eramanez.

Ogia eta ardoak

ESKARIAK:

- Eleizearen alde: kristo lez misiolari izanda, munduko gizon eta emakume guztiok besteen zerbitzura egon gaitezen. Eskatu deiogun Jaunari.

- Misiolarien alde. Lehenengo misiolari bihurtu zan Mariak lez, berandu baino lehen jo daigun behartsuengana eta Jesusen deiari erantzun deiogun, misino-bokazinoak gehitzea eskatuz.  Eskatu deiogun Jaunari.

- Gaur hemen bildu garen guztion alde, guztiok misiolari on moduan bidean jar gaitezen eta  Itsasargiak lagunduta, gure inguruan Jesusen Barri Ona zabaldu dagigun. Eskatu deiogun Jaunari.

 Katekesian dagozan familientzat, katekesia egin daben familientzat, edozein familia eta eliztarrentzat. Ondo etorri. Jarri bidean! Ospatu Jainkoaren maitasuna, Ospatu gure arteko maitasuna.

Para las familias que andan en catequesis. Para las familias que terminaron la catequeis. Para chavales, padres y abuelos.  Para todas las familias y feligreses. Celebrar el amor de Dios y celebrar el amor mutuo.

Domingo 20 de Octubre, 12:00 San Bartolome Martzede parrokian. Erdu! 

Para las familias que andan en catequesis. Para las familias que terminaron la catequeis. Para chavales, padres y abuelos.  Para todas las familias y feligreses. Celebrar el amor de Dios y celebrar el amor mutuo.

Domingo 15 de Noviembre, 12:00 San Bartolome Martzede parrokian. Erdu!