Pazko-gaubeila K.o.
II. mendean hasi ziren ospatzen. Mende horretan berean hasi ziren Pazkoaldia ere
ospatzen, 50 eguneko aldia.
Garizuma, berriz, IV.
mendearen hasieran hasi ziren ospatzen, Pazkora begira.
Horrek adierazten du,
erdigunea Jesu Kristoren Pazkoak hartu izan duela; Garizuma, bete-betean,
Pazkorako prestaera da
Hiru maila edo
alderdi bereiz ditzakegu prestaera horretan.
1.NORBERAREN BIHOZBERRITZE edo KONBERTSIOA
Eguberrialdian ez
bezala, Garizuman kanpo adierazpen gutxi dugu aldi berezia bizitzen ari garela
gogoratzeko; horregatik, arreta pertsonal biziago beharko dugu; bestela, gure
bizitzan ezer gertatu ez balitz bezala iritsiko gara Pazkora eta, jakina, Pazkoa
axaleko gauza gertatuko zaigu.
Horregatik, Garizuma
hastean, eseri eta sakon hausnartu beharko genuke zertan aurrera egin edo zer
alda genezakeen pentsatzeko, Jesusengana eta lagun hurkoagana gehiago hurbildu
ahal izateko.
Hausterre egunak
proposatzen dizkigun hiru bideak (Mt 6,1-6.16-18) egokiak gerta dakizkiguke,
benetan eguneratzen baditugu: limosna, hau da, daukagunetik itxurazko zerbait
ematea; otoitza, hau da, Jainkoarekiko eta lagun hurkoarekiko munduaz (Bibliaz,
munduko gertaerez…) gogoeta egitea (irakurriz, gauzak aztertuz, salaketa eginez,
kontenplatuz, eskerrak emanez, bizitzarako ondorioak ateraz…); baraua, hau da,
zenbait gauza alde batera uztea, beste batzuei gehiago eskaintzeko.
Eliz ospakizunak
txukun ospatzea: garaiz iritsiz, aurrez norberaren barrua eta ingurunea girotuz;
modu batean edo bestean parte hartuz, lotsa etxean utzirik
Batez ere, ordea,
ospakizunera zerk eragiten digun aztertuz: ez mortifikazio txiki bat egiteko
bakarrik, ez tartetxo batez “mundua” uzteko asmoz, baizik Jesu Kristori eta
haren asmoari estuago lotzeko gogoz. Beti ere, gaur egun ere Jesus pobreengan
kalbarioa bizitzen ari dela kontuan izanik, begi aurrean Jesus berpiztua dugula,
Pazkora bidean goazela pobreei ere Pazkoa agerian jartzen saiatuz, Pazko
Gaubeila nola hobeto ospatuko irrikaz.
Hirugarren
ezaugarria, Pazkoaldia bera prestatzea da. Hori da Garizumaren helburua, hori da
haren xedea.
Norberaren barrua eta
elkartearena prestatzeko, eta Garizumako presta aldiaren emaitza bizitzeko,
bizitzen laguntzeko, ospatzeko, ospatzen laguntzeko eta agerian jartzeko,
Pazkoaldian zer egin dezakedan hausnartzea: kantu egokiak prestatzeko
entseguetara joatea, elkartea bilduko den lekua nola apaindu pentsatzea, jaialdi
berezi bat antolatzea, kolektibo behartsu batentzat erregalu bat
antolatzea…
2007ko otsailaren
21a
Hausterre
eguna
Dionisio
Amundarain
(Misal Dominical año
XXXIX, nº 3, 2007 BLOC MD Josep Lligadas; laburbildua eta
egokitua)
No hay comentarios:
Publicar un comentario