Igorre: ardi onaren parabolea: Jainkoaren barri Ona!

Ardi Onaren parabolea errepasatu dogu gaur famili ospakizunean Igorrekoko parrokian.

Artalde ona daukanak

eta artetik bat galdu

berori aurkitu arte

ezin du arteak hartu (bir).

Azkenez, aurkitzen badu

beteko da poztasunez

beste guztiak batera

aurkitu balitu legez (bir).

Zeruko guztion Aitak

nahi gaitu bere artean

inor ere galdu gabe

zerurako on bidean (bir).

Datozela bai nigana

poztasunez ospatzera

galdua nuen ardia

heldu delako etxera (bir).

Kristoren bide onera

badator pekataria

zeruan ospatuko da

benetako jai handia (bir).

Egia esan, kate eta etxetik fitxa beteta eta arditxoaren irudia ekarri dabe ume askok.
Txikienak ardiaren esku lan zoragarria.
Hirugarren eta laugarren mailakoak euren pekatuen zerrendea.

Holan errezago izan jaku parabolea ulertzea eta Jesusen poza sentitzea berarengana urreratzen garenean.

Gainera, hamar neska-mutilek lehen penitentziaren sakramentua be ospatu dabe meza honetan.

Jai handi bat izan da gaurko meza!