Zeanuriko kanpaiak

domingo, 16 de diciembre de 2012

Gizakiaren alde: Bitoriano Gandiaga & Pello Zabala







Gizakiaren alde
Gabonak diona:
eskuzabaltasuna,
borondate ona,
hobea izateko
gauza da gizona.


Jarrai dezagun luzatuz
Gaboneko abiada;
Gabonez gauza ederra dena,
gerora ere ona da:
elkarrentzako onginahia ta
laguntzazko egitada.

Bihotz banaren jabe da
gizakiaren bularra.
Nori ez zaio gauza mingarri
edonoren ezbeharra?
Uxa ditzagun giza mundutik
nahigabea ta negarra.

Gabonetan on bagara,
gaitezen on gero ere;
on egitea behar genuke
elkarren arteko lege:
batak bestea  onartuz, zabal
egin nornahiri mesede.

No hay comentarios: