Abenduko kanta: Belenen jaio jaku

jueves, 18 de marzo de 2021

Misioak 2021: Bizi kanta


Hil eta biztu zarela

ikusi dut naturan

ospatu dugu Aste Santuan,

ikutu nahi zaitut elkartean

egiaztatu Elizan eta gizartean.

Lomas Aisladaserantza joaterakoan,

desmonte beltz haiek,

basamortua, erretako natura beltzitua.

Eta orain

arroz berde berdea,

bizia, bizi ekarlea, bizi emalea,

naturaren mirari begi aurrean.

Halan ere gizartean ikusten ditut

haur hilberriak, gosetuak,

emakume jipoituak, gaisotuak,

gizonezko eraile eta erailiak,

etxalde ahuldu eta banatueraziak.

Hilik Ostiral Santuan,

Palenqueko kaleetan zehar...

jende multzoak jarraiturik

Haren heriotzaren ezaugarri den

Jainko erailiari.

Baina bizirik ikustea kostatzen zait.

Akaso Aintza bizi eta kantatu hartan,

ahobatez, arima batez, amets batez!

Bizirik, biziago ikusi nahi,

elkarte bizi eta bizierazleetan.

Biziago gizartean

haurrarenganako maitasunean,

gaisoarentzako osasun zerbitzuan,

pobrearen organizazioan,

gaztearen heziketan,

emakumearen duintasunean,

herriarteko elkartasunean.

Tomas horren antzeko naiz, Jauna.

lkusi nahi dut. Ikusi nahi zaitut.

Handi ezazu nire fedea, arren!

 

Jose Mari Kortazar, Palenque bertatik, 4. edizioa, 2021, 13/15. or.

 

No hay comentarios: