Zeanuri: zortzi neska-mutilek lehen penitentzia ospatu dabe

Domekean, Ellene, Alaine, Jon, Arrate, Nerea, Aitana, Paule eta Oierrek euren lehen penitentzia ospatu dabe gurasoak lagundurik. Zorionak! Ereilearen parabolea erabili dogu abiapuntu legez. Etxetik ekarri dogu, papertxo baten idatzita, kontzientzia azterketea, eta guraso eta abadearen parkamenaren ostean erre egin doguz paper guztiak.

Misioen Eguna laster datorrela-eta, itsulapiko batzuk be egin doguz eta ekarri ospakizunean eskeintzeko.
KTko beste lagunek be lagundu deuskue, eta KT04koak penitentzia barriro ospatu dabe, jaunartzerako prestatzeko.

5.- Ogia eta atxurra

Mk 4,14.20 Ereileak berbea ereiten dau. Eta hara nortzuk diran “lur ona” lakoak: hitza entzun, onartu eta frutua emoten dabenak: bateko hogeta hamar nahiz hirurogei nahiz ehun”.

Jainko Aita Ona:

Lur ona izan gura dogu

Jesusen berbea onartzeko prest.

Jesusek esandakoak

entzun eta ikasteko

prest gaituzu.

Jainko Aita Ona:

Gu geu be eskeintzen gatxatzuz.

Zure berbea

entzuten dauan lur ona

izan gura dogu.

Alkarregaz egoteak

lagundu egiten deusku

belarri eta bihotzak prestatzen,

harriak eta bedar txarrak kentzen.

Jainko Aita-Ama ona:

Lagundu guri

entzun doguna betetzen

hemen hartu dogun indarraz

kanpoan

fruitu onak eta ugariak emoten.