Berri onaren berri emaile: Bitoriano Gandiaga & Pello Zabala

Ekonomia gizakiaren esanetara: gogoeta

Gaspar Martinez de Larrinoa Arratiako hitzaldian

Santa Lutzi egunez, abenduaren 13an, 30 lagun batu ziran Igorreko parrokiko gelatan Gaspar Martinez de Larrinoa billaroztarraren hitzaldia jarraitzeko: Ekonomia gizakiaren esanetara, Arratiako Elizaren abendualdiko kanpaina barruan antolatutako ekitaldia, hain zuzen ere.

1000 sari banatuko ditu misiolarien aldeko tonbola solidarioak Igorren

1000 sari baino gehiago banatuko ditu misiolarien aldeko tonbola solidarioak Igorren aurten ere. Zabalik egongo abenduaren 14ean, barikuan hasita, abenduaren 23ra arte.

Ekonomia gizakiaren esanetara: Gaspar Martinezen hitzaldia

Ekonomia gizakiaren esanetara hitzaldia eskeiniko dau Gaspar Martinezek abenduaren 13an, arrastiko 7,30etan Igorreko parrokiko lokaletan, Arratiako Elizak eratuta, abenduaren kanpaina barruan.

Badok hamairu: Arratiako KT aldizkariaren 13. zenbakia

Arratiako KT aldizkariaren 13. alea. Doan berton.

Zeanuri: Meza Santua

Hona hemen ETBk Zeanuritik emon dituan mezen bi bideoak.

Abendu meza Gandiagaren eskutik: kantak

Hitzak: Bitoriano Gandiaga

Doinuak: Pello Zabala & herrikoiak

Gabon dut anuntzio liburutik egindako aukerea

Abenduko sehaska

Hona beste proposamen bat abenduko domekak ospatzeko krisi egoera honetan.

Abendu hasieran sehaska bat hutsik, altare aurrean.

Domekaz domeka, bertso bat, eguneko ebanjelioagaz lotuta, eta ezaugarri bat sehaska inguratuz.

Hitza eta bizitza 2013. Eguneroko ebanjelioa

Ohizkoak dira holako liburuak erderaz. Euskeraz ere astiro astiro badoaz gero eta gehiago agertzen: egunean eguneko ebanjelioa, egun bakoitzari gogoetatxo bat gehituz.

Biblia osoa bizkaieraz interneten

Albiste ona litzateke, Biblia osoa ez balitz ere, Itun Barria edo lau ebanjelioak izanik sikeran. Sarean. Debalde. Errez aurkitzeko pasarte bat eta errez erabilteko moduan. Badogu sarean Biblia batuaz, lapurteraz, umeentzako jolas eta guztiz. Bizkaieraz badoguz textu liturgiko asko, guk ere jarri doguz domeketako irakurgaiak sarean. Baina errez erabilteko moduan, pasarte bat kapituluka aurkitzeko eran, inoiz izango ete dogu?