Egon ezina, ezin egona
gurean dira ugari,
presaka bizi, pantaila asko
teklak dira agintari,
biharkoa gaur, gaurkoa atzo
ezin eutsi, estu, larri:
egon ezina tapatzen dogu
heldu behar botikari.
Hiru botika osasungarri
hartu egizuz laguna:
lehena dogu gure arteko
tratuan adeitasuna,
bigarrena da gure munduan
handitu alkartasuna,
esperantza da hirugarrena
poza emongo deuskuna.
Jose Mari Kortazar
Iturria: otoi.eus
No hay comentarios:
Publicar un comentario