Hego eta erro

 

Barri Ona dagigun

bizi lerroz lerro,

Espiritu hegotan

jaso mendilerro.

Maitatuz gure lurra

eta pobre merro:

aldi berean gara

hego eta erro.

 

Munduan egin doguz

Ipar eta Hego,

zuzentasun osoa

hobeto balego,

danon lurra eta ez

inoren jabego:

aldi berean gara

erro eta hego.

 

Amets ala egia

ete nik entzuna,

gure barruan dala

Gogo biziduna.

Erroak ahiztu barik

jasotzen gaituna

hegaz, lortu dagigun

senidetasuna.

 

Soka bako globoa

hegaz hona hara,

erro bako hegoa

galdu dan enara.

Bata besterik gabe

ikara, dardara:

erroz eta hegoaz

eginak gu gara!

 

Erroak eskatuta

euskeraz dagigu,

herria maitatzea

berez datorkigu.

Hegoak sakatuta

Jesusen testigu

mundu guztian zehar

fedeak bizi gu!