Esteban Manterola abadea gogoratu dau Zeanurik domekan

Bego Manterola argazkia

Domekan, urtarrilaren 27an, goizeko 11.30etan, Zeanuriko Andra Mari Elizan esker oneko mezea ospatu da Esteban Manterola abade zeaniztarrek 100 bete dituala ospatzeko. Argazkian ezkerretan ikusten dogu, bere aitak 100 urte bete zituala eta, Ipiñako Santiago Apostoluaren parrokian ospatu zan mezatan. Hona Diman joan dan domekan kanta ziran bertsoak Estebanen omenez. Baita ere Zeanurin emon zan aurkezpena.

Klikatu berton aurkezpena ikusteko edo jaisteko

Mila bederatzirehun eta

hamabi garren urtean

gabonillaren hogeitabosta

Natibitate egunean

Altzuste auzoko baserri baten

Lezea deitzen dan etxean

ama Margari negar-pozetan

aita Antonio baztarrean,

arratsaldeko zazpirak ziren

mundura argitu zanean.

Esteban abadetuta

Angune auzotik seminariora

ume koskor baten eran

lehenengo urteak Artean eta

gerokoak hor Araban

lurralde horretan Obispo Jauna

Mateo Mujika ei zan

hogeitahamasei, gerra aurreko,

bagillak eguna seian

Gasteizeko katedralean

ordenau zan Don Esteban.

Gerra garaian Araba aldean

hasi zenuen karrera,

hiru bat urte egin ondoren

Bolibar zure aukera

indar biziaz babestu zendun

fede sendoko jarrera

musika arloan organista lez

maixu argia gainera

hamabi urte egin ostean

                                                      agertu ziñen Dimera.

Ipiñako eskolako lagunekaz

Parroko jauna ni monagillo

joaten nintzen mezatara

garai hartako sermoi sutsuak

sortzen euskuen ikara

baina ate-joka zetorrenari

lagundu edozertara

gizalditxo bat osaptu dozu

gizon zintzoen erara

hartu egizu guztion partez

esker onen besarkada.

Dima, 2013-01-20

Zeanuriko mezatan egon ziran abadeak