Arrantzale Eguna. Kreazioa jagoteko meza

 

ARRANTZALE EGUNA

KREAZIOAREN ZAINTZARAKO MEZA

 

Sarrera

Gaur Bermeoko gure herriak Arrantzale Eguna ospatzen dau. Aurten …… (Izenak) gogoratu gura doguz.

Honegaz batera, Leon Aita Santuak Kreazioa jagoteko otoitza eskatzen deusku. Itsasoa dogu kreazio handi horren parte handi bat. Aberastasuna eta arriskua. Jagoteko erronka. Otoitz egiteko, eskatzeko kanta eta eskertzeko salmoa.

 

Otoitza

Jainko Aita,

izaki guztietan lehen-sortua dan Kristogan gauza guztiak izatera deitu dituzu;

egizu, zure Espirituaren bizi-arnasaren esana betez, maitasunez zaindu dezagula zure eskuen lana.

Zure Seme Jesu Kristo gure Jaunaren bitartez, Zurekin eta Espiritu Santuarekin batean

Jainko eta errege bizi baita gizaldi eta gizaldietan.

 

 

Lehen Irakurgaia Itun Barritik

Kol 1, 15-20

Jainko ikusezinaren irudi da Kristo,

izaki guztietan lehenengo-sortua.

Beraren bidez sortu zituan Jainkoak

zeru-lurretan diren gauza guztiak,

agiri diranak eta ez diranak:

munduan agintzen daben ahalmen,

nagusi, aginte eta podereak.

Kristo da sortua izan dan guztiaren

eredu eta helburu.

Gauza guztiak baino lehenago da bera,

eta berari esker diraue alkarri loturik.

 

Kristo da gorputzaren burua,

Hau da, Elizarena.

Bera da hasiera,

Hilen artetik lehenengo biztua,

eta gauza guztietan

lehentasuna dagokio;

ze, Jainkoak gura izan dau

bere izakeraren betea

Kristorengan egotea,

eta honen bitartez gauza guztiak

beragaz adiskidetzea,

bai zerukoak eta bai lurrekoak,

berak kurutzean isuritako odolaz

bakea ekarriz.

Erantzun-salmoa

Gora Jainkoa zeruetan

Gora itsaso-mendietan

Ebanjelioa

 

Mt 8, 23-27

 

Jesusek txalupara igon eban zen eta ikasleek jarraitu egin eutsoen.

Bat-batean, ekatx handia sortu zan itsasoan, eta olatuek txalupa estaldu egiten eben. Jesus, barriz, lo egoan.  Ikasleek hurreratu eta itzartu egin eben, esanez:

–Salbatu gagizuz, Jauna! Galtzera goaz!

Harek esan eutsen:

–Zergaitik zarie hain bildur, siniste gitxikook?

Eta, zutundurik, hasarre egin eutsen haizeari eta itsasoari, eta barealdi handia egin zan. Ikasleek, harriturik, hauxe inoen: «Nor ete dogu berau, haizeak eta itsasoak be berak esana egiten dabe-eta?»

 

GOGOETA

 

Herri otoitza

 

Izaki guztiakaz eta mundu osoan zabalik dan Eleizagaz bat eginda, egin deiogun otoitz uste osoz Kreatzaileari, guztion salbamenaren eta danona dan etxearen zaintzaren alde eskatuz.

1.     Eleizaren alde. Jainkoak egindako lur-itsasoa maitasunez zaintzen erakutsi daian. Eskatu deiogun Jaunari.

 

2.     Herrietako arduradunen alde. Ingurumenaren eta ahulenen aldeko erabaki ausart eta zuzenak hartu daien. Eskatu deiogun Jaunari.

3.     Itsasoan hil diran guztien alde. Benetako bizia eta ozriona izan dagin zeruan, hau da, Jainkoarengan. Eskatu deiogun Jaunari.

 

4.     Pobreen eta sufritzen dagozanen alde. Pobre eta baztertuek, alkartasuna eta itxaropena aurkitu daiezan guregan. Eskatu deiogun Jaunari.

 

5.     Gu guztion alde. Izaki guztiakaz orekan bizitzen ikasi daigula, eurengan Jainkoaren ontasuna autortuz. Eskatu deiogun Jaunari.

Jesukristo gure Jaunaren bitartez.

 

Oparigaien gainekoa

Onartu, Aita Ona, Lurraren, itsasoaren eta gure eskuen lanaren fruitu honeek, eroan eurengan bere betera zure kreazioaren lana,

Espiritu Santuak eraldaturik

betiko biziaren janari eta edari izan daitezen guretzat. Jesu Kristo gure Jaunaren bitartez.

Jaunartze ondorengoa

Aita Ona, hartu dogun batasun sakramentuak

areagotu dezala gugan zurekiko eta senideekiko batasuna, zeru, itsaso eta lur berriak itxaronez,

izaki guztiekiko harmonian bizitzen ikas dagigun. Jesu Kristo gure Jaunaren bitartez.