Etxean, katekesian edo parrokian erabilteko abenduko dinamika erreza. 4. astea.
Sufritzen dauenari lagundu
Jesu Kristoren Ebanjelioa San Lukasen liburutik
(Lk 1, 26-38)
Aldi haretan, Gabriel aingerua bialdu eban Jainkoak,
Nazaret eritzon Galileako herri batera, birjina bategana; birjineak Maria eban
izena eta Jose eritzon Daviden jatorriko gizon bategaz ezkontzeko berbea emonda
egoan.
Aingeruak, Mariaren etxean sartu eta esan eutsan: “Poztu
zaitez, graziaz bete hori! Jauna Zugaz”. Ikaratu zan Maria berba hareek
entzutean, eta pentsetan jarri zan, zer izan ete eitekean halako agur ha.
Aingeruak esan eutsan: “Ez izan bildurrik, Maria;
Jainkoak gogoko zaitu. Begira, sabelean sortu eta semea izango dozu, eta
"Jesus" ezarriko deutsazu izena. Handia izango da; Goi-goikoaren Seme
deituko deutsoe, eta Jainko Jaunak bere aita Daviden errege-aurkia emongo
deutso; Jakoben herriaren errege izango da beti, eta haren erregetzak ez dau
azkenik izango”.
Mariak esan eutsan aingeruari: “Zelan jazo daiteke hori,
ez naz-eta inongo gizonagaz bizi”. Aingeruak erantzun eutsan: “Espiritu Santua
jaitsiko da zugana eta Goi-goikoaren indarrak bere kerizpean hartuko zaitu;
horregaitik, zugandik jaioko dana santua izango da eta Jainkoaren Seme deituko
deutsoe. Hara, Elisabet zure senidea ere umedun dago bere zaharrean, eta sei
hilabeteko dago agorra ei zana; Jainkoarentzat ez da-eta ezer ezinik”.
Mariak, orduan: “Hona hemen Jaunaren mirabea; jazo bekit
zuk dinozun lez”. Eta aingeruak itzi egin eban.
Gogoeta:
Bere arazoak arren (umedun dago)
bidaia luzea egiten dau Mariak Isabel bisitateko.
Guk be bidea egin behar dogu,
etxetik urten, gure arduretatik urten, bestearengana urreratzeko, bere lekuan
jartzeko, bere ondoan egoteko.
Gaur egun be asko dagoz gure
bisitaren zain: egoitzetako zaharrak, etxeetako gaixoak, persona bakartuak eta
baztertuak.
Bisita egitea, errespetoz eta
karinoz, bai gauza ederra!
Ba bisita hori egin gura dau
Jainkoak guregana, bere handitasunetik gure txikitasunera.
Bisita hori gauza pozgarria da,
sinistu ezinezkoa, miresgarria.
Eskertu daigun Jesusen bisitea
guk be sufritzen dagoan batan bat bisitatuz, lagunduz, ondotxoan egonez.
Eskertu dagiguzan baztertu,
gaixo eta zaharren ondoan dagozen pertsona guztien fedea eta maitasuna!
Irudia:
Gorostian jarri erlojua handi bat (edo erlojuaren
irudia kartulina baten pisu asko badauka), gure astia konpartitu gura dogula
esanez.
Kanta: Zatoze kristauak
Astez aste:
No hay comentarios:
Publicar un comentario