Ezbardinen
arteko besarkada bategaz datorku gaurko ebanjelioa, Andra Mariaren
jasokundearen, zeruratzearen jai handi honetan. Biblian sarri daukaguz
holakoak: Jose eta bere senideak, Moisesen ama eta faraoiaren alabea, Jesus eta
samariako emakumea, samariarra eta lapurtu eben gizona…
Maria
eta Isabelek pozarren kantetan dagoz, euren barruan dagoan indar askatzaileaz
jabeturik, gizaterian zelako ona egingo daben euren umeak, Jesusek eta Joanek
aurretiaz ospatuz.
Maria,
gaztea, Galileakoa… Isabel, atso zaharra, Judeakoa…
Mariak
eta Isabelek erakutsi egiten deuskue bestea onartzera, ondo etorria emotera,
besarkatzera, askatzera. Batak bestearengan aurkitzen dau indar berezi bat,
gure esku ez dagoen indarra, Jainkoari esker, matxan jartzeko.
Bat
egin eta besarkatu.
Bat egin eta arimak alkarrekin
kantatzen dabe.
Bat egin eta otoitzean egiten
dabe batera.
Guk
mila muga, aitzakia eta desbardintasun egiten doguz gure artean. Asko. Lar. Bestearen
sentimenak gureak ere badirela konturatzekoan, muga, horma eta hesi asko jausi
eta desegin egiten dira. Orduan, tokia eta lekua egiten deutsagu besteari,
ezezagunari, Jainkoari.
Guk
be, Jai handi honetan, Isabel eta Mariagaz batera, hasi daigun besarkaden aldi
bat, eurekin batera esan deiogun baietz Jainkoari eta besteari, auzoari,
ezezagunari, aspaldi berba egin barik daukagun horreri.
Zorionak!
No hay comentarios:
Publicar un comentario