Gernikaldeko ospatzaileen batzarra Ekaina

Gernikaldeko Ospatzaileen batzarra. Otoitzaldia, Pastoral Barrutiko oharrak eta kurtso amaierako ospakizuna. Erdu!

Lau kandelek, lau koloreek, ebanjelizazino plana gogoratzen deuskue. Gure zeregina ospakuntza bada batez ere, gure zerbitzua eta gure fedeak baditu iragarpena, zerbitzua eta akartea osatzea.

Orain otoitz eta gero lan. Otoitza bideratzen badogu be, ezin itxi alde batera lana eta jaia.

Gernikaldeko Ospatzaileen azken batzarrean, lehen partean Jubileua prestatzeari ekin jakon. Hona landutakoaren laburpena:

Esperantzaren erromes

“Ez da zilegi lurrak behin betiko saltzea, neurea baita lurraldea, eta zuek ez zarete bertan etorkin besterik, nirean ostatuz bizi zaretenak” (Leb 25,23).

Esperantzaren erromes gara

aurretik bide gogorra,

esperantzaren kolorez jantzi

mundu barri maitekorra,

esperantzaren garrak osatu

pobreenganako gorra,

esperantzaren dei larri biak

gose eta kanpo zorra.

 

Herritik kanpo, bide ertzean

Bartimeo da eskean,       

bera deadar eta zarata

jendeak: itxi bakean.

Munduan ere, hamaika herri

duintasun bila askean.

Itsu gu gara, ezin ikusiz,

bizi direnak nekean.

 

Jubileoa, askapen urte,

ospatzen dogu aldizka,

Jainko Onaren lehen asmotik

ez galtzeko gure bista:

Lur Ama bakar, guztion lurra,

danok anai eta ahizta

Jubileoa bizi dagigun

erromes bai, ez turista.

 

“Burubide zaharra da, Jainkoaren Berbatik sortutakoa eta bere jakintza balio osoa gordeten dauana, noiz eta dei egiten danean errukizko eta liberazinozko ekintzak gauzatzera, barriro hastea posible egiteko: "Berrogeita hamargarren urtea urte santutzat hartuko duzue, eta urte horretan askapena aldarrikatuko duzue zeuen lurraldeko biztanle guztientzat" (Lv 25,10). Isaias profetak bere egiten dau Moisesen legeak ezarritakoa:. Jaunak "bidali nau behartsuei berri ona hots egitera, bihotz hautsiak sendatzera, gatibuei askatasuna eta kartzelatuei libertatea iragartzera, Jaunaren onginahia azalduko duen urtea iragartzera" (Is 61, 1-2) Honeek berbok bereganatu zituan Jesusek bere ministerioaren hasieran, adieraziz bera zala "Jaunaren onginahia azalduko duen urtearen" betekuntzea (cf Lc 4, 18-19). Lurraren bazter guztietan, sinistunak, batez ere buruzagiak, egin daitezela eskaera horreen betetzaile, ahots bakarra osotuz (Spes non confundit, 10)”.

Ze ezaugarritan gauzatu leike esperantza hau? Begira ingurua eta ikusi: zorra Jainkoagaz, bere maitasun eta errukiaz; zorra senideakaz egin dogun txarra edo egin barik itxi dogun ona: etxegabetu daben jendea; zorraz itota galdu diran lanpostuak, batez ere enpresa txikietan; eta mundu mailan, kanpo zorra, zor ekologikoaren beste aldea.

…………………

“Bigarren deia nazino aberatsai zuzenduta dago eta nazioarteko zorra dau berbagai: herrialde aberatsak konprometidu daitezala barkatzera herrialde pobreen zorrak, sekula ordaindu ezingo dabezalako (ibid.). Aita Santuak dino: eskuzabaltasun kontua baino lehenago, justizia kontua da, eta hori, gainera, gaur larriagotu egiten dau bidegabekeria modu barri batek, zeinaz oraintsu jabetu garan. " Zeren benetako 'zor ekologiko' bat baitago, bereziki Iparraldearen eta Hegoaldearen artean, lotuta dagoena [...] herrialde batzuek historian zehar baliabide naturalak neurriz gain ustiatzearekin" (Laudato Si'51). Lebitikoak irakasten dauanez, Lurra Jainkoarena da eta danok bizi gara bertan "etorkin eta apopilo" modura. Funtsezko kontu bat da , gura badogu bakerako bidea jorratu munduan (Spes non confundit, 16)”.

IKUSI

 Proposatu gertatutako zerbait agerian uzten duena bidegabekeriaren ondorioz pertsonen duintasuna ez dela berdin errespetatzen eta mundu guztiak ez dituela aukera berdinak.

Labur laburrean, hiru aipatu ziran batez ere:

1.- Etorkinak gurean, bizitza eta lan baldintzak, batez ere emakumen egoerea. Ospatzaile batzuk Caritaseko boluntaria direnez, hau nahiko argitu eben.

2.- Munduan pobrezian dagozan herriak. Senegaleko egoera ekarri ebangogora udan bertan laguntzen egon zan ospatzaile batek.

3.- Bakardadea, batez ere edadetuen egoera gurean 

EPAITU

Testuetako bat edo testuko esaldietako bat aukeratu.
Testuaren argitan, neure buruari galdetzen diot: nola jokatuko luke Jesusek azaldu duzun gertakariaren aurrean? Nola interpelatzen zaitu?

1.- Hasierako testua gogoratu zan.

2.- Jesusen berbak Nazareteko sinagogan bere misioaren hasieran. Beragan betetzen dira errukiaren Jainkoaren agintzariak

EKIN

Ze konpromiso txiki eta ebaluagarria egin geinke jubileu honi zentzun biblikoagoa eta nazioartekoagoa emoteko? Pertsona, talde, parrokia eta erakunde mailan?

Parte hartu dozu eta animatu jendea gure Jubileua ospatzeko Calzada egoitzan, ekainaren 14an, zapatua, goizeko 10:30 – 12:00 Gernikako San Frantzisko parrokian hasita

Bigarren atalean, Espiritu Santuari kantak errepasatu eta barri baztuk ikasi genduzan. Aurten Morgan osaptuko dogu Pentekoste bigilia. Hasi izenak emoten!

Azken atalean, datozen datak gogoratu eta azaldu ziran. Ekainaren 17an izango dogu azkenengo batzarra eta otoitza,

Maiatzaren 20an,martitzena, 19:00etan, Gernikako Andra Mari parrokiko lokaletan.

1.- Otoitza

2.- Hezkuntza: Jubileoa: esperantzaren erromesak

3.- Oharrak eta koordinazinoa

Gernikaldeko ospatzaileen batzarra Martxoa:

 Garizumako otoitzaldia

Gernikako Errenteriako San Bartolome-Mertzede parrokian alkartu da gaur ospatzaile taldea otoitz giroan. Iñaki Jauregi abadeak gidatuta, Jonasen irudiaz baliatuz eta kantuz lagundurik, errepaso bat emon deutsagu gure bokazinoari Garizuma giroan.

Jonas eta Jainkoaren arteko elkarrizketea eredu dogu Jaikoagaz zer hartuemon dogun bistaratzeko. Beste pertsonaiak: Ninibetarrak, marinelak, arrain erraldoia, landarea... tresna ditugu kontakizun honetan. Gure bokazinoa be bitarteko zehatzen bitartez doa aurrera. Jainkoak gizaki eta izadiaren bitartez deika dogu.  Eta garizumea beti da oparia eta bihotz barritzeko deia.

Hurrengo batzarra maiatzaren 20an, martitzenean, Gernikako Andra Mari parrokiko lokaletan izango da.

Garizuman gagozenez, hurrengo batzarra otoitzaldia izango da, Iñaki Jauregi abadeak lagunduta. Gernikako Errenteriako San Bartolome parrokian izango da, martxoaren 18an, martitzena, arrastiko 7etan hasita. Ordu orduanetorri mesedez. Erdu!

Otsaila: Garizuma prestatzen

Otoitzaldi bategaz hasi dogu azken jardunaldi hau. Begok gidatu deusku zapatuko Bake topaketari begira girotzeko gure bihotz buruak.

Bigarren puntuan Garizumako leloa, sinboloa, fitxak azaldu eta bertsoak abestu doguz. Hamaika doinu ezbardin erabiliz, alkarte bakoitzak bere gustukoena aukeratzeko. Domeka bakoitzeko Jaunaren Berbean oinarrituta eta Ebanjelizazino Planagaz bat eginaz.

Amaitzeko, Inmak hurrengo egunotako zer eginak gogoratu deuskuz. Besteen artean, hurrengo batzarra, otoitzaldi bat izango da, San Bartolome parrokian, martxoaren 18an, martitzena arrastiko 7etatik 8etara, eta Iñaki Jauregi abadeak lagunduko deusku.

Otoitzaldia

Garizuma prestatzeko dinamikea, testuak, materialak...

Oharrak

Gernikaldeko hamaika herrietatik etorritako ospatzaileak asteon batu dira ospakizunetan laguntzeko heziketa eta koordinazioa jorratzeko.

Hasierako otoitzaren ostean, Jesusen ebanjelioa Lukasek dakarrenez landu eben. Onena ebanejlioa bera irakurtzea da, jarraian. Baina ondo dator bere barruko eskema eta kakoak kontuan hartzea. Hona laburpen txiki bat:

Amaitzeko hurren holean izango diren ekintza batzuen barri emon zan. Adibidez:

Samurtasunaren espiritualtasuna Espiritualidad de la ternura Berbaldia Coloquio

Bake topaketa, aurten Gernikan: emon izena!

Hurrengo batzarra: otsailaren 18an, 19:00, Gernikako Andra Mari parrokiko lokaletan

Urte barri barri! Jaunaren barri ona zabaltzeko prest aurten be: elizbarrutiak 75 urte, Esperantzaren Jubileoa hasita, Lukas ebanjelistaren eskutik urte oparoa guztioi! Horixe landuko dogu, hain zuzen be, urteko lehen ekitaldian: Lukasen ebanjelioa. Eskerrik asko zuen lanagaitik!

Abenduko izarrak 04 Adviento color esperanza

Gernikaldeko ospatzaileen batzarra Abendua

Gernikaldeko ospatzaile talde zabal bat batu da Gernikako Andra Mari parrokian gabon giroko batzar ez ohiko baten. Akorda, Nabarniz, Mendata, Ajangiz, Muxika, Morga, Forua, Murueta, Busturiatik etorrita.

Otoitzaldi lasai bategaz hasi da batzarra. Ebanjelioa, gabonetako ipuina, gabon kantak. Goian daukazue bideoan, doinu eta guztiz, "gabon zorion zorion gabon".

Hurrengo batzarrak zehaztu dira. Hona hurrengo hirurak: urtarrilaren 21an eta otsailaren 18an, Gernikako Andra Marin, eta martxoaren 18an Gernikako San Bartolomen, garizumako otoitzaldia, Iñaki Jauregik lagunduta.

Aldi beran, hainbat ekintzen barri emon jaku: Bakearen topaketea, Jubileoa bikaritzan, HEMEN aleak aldizkaritxo barriaren izen emotea, etab.

Alkarregaz gauza gozoak eta gaziak konpartituz, gabon egun zoriontsuak opa izan deutsaguz alkarri.

Eskerrik asko guztioi zuen lan eta gogoagaitik!

Gernikaldeko ospatzaileen batzarra Azaroa

Nabarniz, Altamira, Forua, Muxika, Murueta eta Ajangizeko ospatzaileak abenduko puzzlea eskuan

Atal nagusi bi izan dauz Azarako batzarrak. Lehenengoan, Ana Berrizbeitiaren eskutik, otoitzaldi lasai bat Abendualdiko ebanjelioak jarraituz eta gaurkotuz.

Pozaldiak eta ekintzak zelan gauzatu, esperantza galdu barik, lur honetako pobreak aintzat hartuz. 26 lagun izan gara bertan.

Bigarren partean abendualdia parrokietan egokitzeko eta ospatzeko puzzle handiak eta izarrak banandu dira. Trptiko edo esku orritxoak ez dira zabaldu parroia bakoitzak behar dauzan kopiak egin ahal izateko. Klikatu behean material osoak ikusteko:

Wanted Abenduko izarrak Se buscan estrellas de adviento

Mertzedariak eskeini deuskuen txokolate bero bategaz eta alkarregaz tarte bat emonaz agurtu dogu topaketa hau. Eskerrik asko Anari eta mertzedariei.

 Eguraldi eskasari gogo beroaz erantzun deutsagu.

Gernikaldeko ospatzaileen batzarra Azaroa

Azaroko batzarra ez ohikoa izango da. Otoitzaldi lasai bat egingo dogu taldean, Ana Berrizbeitiak lagunduta. Amaitzeko ohar batzuk gure zereginari buruzkoak Abendualdiari begira.

Oraingoan San Bartolome parrokian batuko gara, Gernikako Errenteria auzoan. Erdu!

Urriko batzarreko laburpena. Otoitza, heziketa (abendualdia prestatzen hasi) eta oharrak. Erdu! Danon parte hartzeaz Eliza sinodala gauzatzen goaz!

Urria

17 lagun alkartu gara (14 laiko, moja bat eta abade bi.

1.- Muruetako ospatzailea dan Bego Zabaletak zuzendu dau otoitzaldia, elizbarrutiaren 75 urteotan oinarrituta.

2.- Formazinoa. Abendualdiari sarrera orokorra, Jose Mari Kortazarren eskutik.

Abenduko izarrak: Etorkizunari begira, lekuan lekuko

Izarra

Zer da izar bat? Zer egiten dau? Gauan argia, noraezean bidea, etsipenean esperantza.

Nor da izar bat? Zineman, kirolean, fedean…

Lehen Ituneko izarrak…

Gaur egungo izarrak… Emon izenak, ipini aurpegiak, azaldu…

Estrellas vivas que guían nuestro caminar, nos llenan de esperanza. Estrellas con nombre, rostro e historia.

 

Domekero logoaren zati bat osotuko dogu izarra egin arte. Danon artean logoa eregiko dogu. Domeka bakotxean zati bat.

Ariketa ederra izan da izar ezagunak identifikatu dogyuz gure artean: misioetan laguntzen, Caritaseko boluntarioak, lagunak, katekistak... eta ospatzaileak eurak. Izena eta guztiz ipini deutsaguz.

3.- Morgako ospatzaile dan Inma Loroñok emon deuskuz oharrak gure Pastoral Barrutiaren lanak eta ahaleginak ezagutu eta zabaltzeko.

Azaroaren 12an izango da hurrengo batzarra, Erreteriako San Bartolome parrokian. Barne otoitzaldia Ana Berrizbeitiak lagundurik.

Iraila

Kurtso barri bat hasi da eta Gernikaldeko ospatzaileak ere batu egin gara indarrak hartu eta aurrera egiteko.

Gernikako Andra Mari parrokiko lokalak

1.- Aurkezpena, Otoitzaldia. Bego Zabaleta Muruetako ospatzaileak erreztu dau hasierako otoitzaldia.

2.- Formazinoa: Nora doa sinodoa? Jose Mari Kortazar bikarioak egin deusku gogoeta bat sinodoaren aurrerapena eta hutsuneak azalduz.

3.- Urteko plana: egunak, talde ministerialeko ordezkaria, materialak, zalantzak, etab.

Domekako ospakizunerako materialak sasoiz heltzen dira eta egokiak ikusten dira. Inma Loroño arduratzen da bialtzeaz.

Hurrengo batzarrak: Urriak 15

Azaroak 12

eta Abenduak 17

Beti martitzenetan, Gernikako Andra Mari parrokiko lokaletan.

Gernikaldeko ospatzaileen izenean, talde ministerialean parte hartzeko Inma Loroño proponidu eta onartzen da. Izendapena Gotzain Jaunak egin behar dau.

Eta afari merienda gozo bategaz, abian da ikasturte barria!

Eskerrik asko zuen lan eta arduragaitik. Zuei eta beste askori esker zabalik euki ahal doguz hainbat parrokia gure eskualdean. 

OHARRAK

17an, martitzena, ospatzaileen batzarra Gernikan. Andra Mariko lokaletan, 19:00 Gernikaldeko ospatzaileen batzarra

18an, eguaztena, berbaldia Gernikan: Fedean hezteko erronkak Retos a la hora de educar en la fe

21an, zapatua, 12:30etan, Foruko parrokian esker ona eta agurra frantziskotarrei. Eskerrik asko Foruko frantziskotarrei!

Goazen 24, aurten Derion. Autobusak 8:30etan urtengo dau Gernikako estazinoan. Emon izena zure parrokian. Autobusa eta luntxa 20 euro.  Bilboko Elizbarrutiak 75 urte: Goazen 24 Deriora