Gose ta gerra, gaixo, gorroto,
familiak apurtzea,
maitasunaren argirik gabe
nagusitu iluntzea.
Halan da guztiz, Kristo biztu da
merezi dau Ha gurtzea:
eten kateak, eskatu ozen
juztizia itzultzea,
jaso bihotzak, kanta bizitza,
loratu da kurutzea!
Tomasen antza handia dogu
dana zalantza ta duda,
ez daigun ahaztu negu ostean
beti datorrela uda.
Kurutze santu deitzen doguna
hilketa eta tortura,
bertan egoan erromatarrak
aitortu eban modura:
jaso bihotzak, kanta bizitza,
kurutzea loratu da!
Kurutze hartan Jainko Semea
hil eta madarikatu,
isil-isilik, nora ezean,
dana ilun ta pekatu.
Non da argia? Jakin gurean
gara itsutu, zoratu.
Kristo biztu da, guregan dago
gaitezen gu konturatu:
jaso bihotzak, kanta bizitza,
kurutzea da loratu!
No hay comentarios:
Publicar un comentario