Su berria, ur berria: Bitoriano Gandiaga

 

Su berria, ur berria

argia eta bizia

su berria, ur berria;

hil eta biztu denaren

seinale ta presentzia,

seinale ta presentzia

argia eta bizia.

Berpizkunde Pazkoa da,

bizitzaren aroa da,

Berpizkunde Pazkoa da;

Kristo berpiztuz geroztik

bizitza betikoa da,

bizitza betikoa da,

bizitzaren aroa da.

Pazko ura ta zuzia

bizitzaren agiria,

Pazko ura ta zuzia;

garbia ta argia da

Bataioaren grazia;

Bataioaren grazia,

Bizitzaren agiria.

Kristo Jesus Biztua da,

heriotza bukatu da,

Kristo Jesus biztua da.

Kristoren berpizkundea

geuretzako gertatu da;

geuretzako gertatu da,

Kristo Jesus berpiztu da.

Hauxe da kristauon jaia,

berauxe festa garaia,

hauxe da kristauon jaia;

blaitu beza aleluiak

Berpizte Pazko alaia;

Berpizte Pazko alaia.

Hauxe da kristauon jaia.