.jpg)
GARIZUMA 2025
ALKARTE PENITENTZIA
JESUSI JARRAITU ESPIRITUA LAGUN
Monitorea
“Lekuan lekuko. Garizumako geografian” kantatu
dogu garizuman zehar. Espiritu Santuak gidatu gaitu ibilbide honetan. Jesusegaz
batera bizi eta bisitatu doguz basamortua, mendia, lan mundua, etxea eta elizea.
Pazkora doan bidea da garizumea. Bai, bidea da
garizuma. Prestatze aldia. Entrenamendu sasoia. Ahalegin garaia.
Ilunpetatik argira dagigun bidea.
Pekatuaren ilunetatik Pazko argitasunera.
Kristo dogun argipean. Bera da argia, iparra,
norabidea, ez galtzeko ezaugarria.
Argiaren seme alaba gara.
Baina batzutan ilunaren, gorrotoaren,
harrokeriaren bideak aukeratu doguz, atajo edo bidelabur direlakoan.
Erratu gara. Okertu bidea. Galdu norabidea. Hau
da, pekatu egin dogu.
Argiaren ordez argitxoak aukeratu doguz, argitxoak
amatatu, argia ez zabaldu.
Ebanjelioa izan beharrean ardatza, beste ipar
batzuk gurago izan doguz.
Horixe dinogu orain, gure buruagaz apal, senide
eta Jaungoikoaren aurrean.
Kanta: Zabaldu egizuz (osorik)
Abadeak:
Aitaren…
Jauna zuekin!
Monitorea
Ebanjelioaren ikasle misiolariak. Hitz potoloak.
Baina gero zenbat denpora emoten dogu ebanjelioa irakurten? Nahikorik? Entzun
daiogun arretaz Profetari…
Isaias Profetearen
liburutik (Is 58, 7-10)
Honan berba egiten dau Jaunak,
Hauxe da nik gura
dodan baraua:
Emon zeure ogitik
gose danari
eta hartu etxean
aterperik bako behartsuak;
jantzi biluzik
dagoana,
eta ez egin
entzungor zeure gizakideari.
Orduan zure argia
egunsentia lez
zabalduko da
eta zure osasuna
bat-batean erneko;
justizia izango
dozu aurretik gidari
eta Jaunaren
aintza atzetik babesgarri.
Orduan zuk dei
egin, eta Jaunak erantzungo deutsu;
zuk oihu egin, eta
Harek esango:
"Hemen
nozu!"
Buztarri guztiak,
salaketak eta txarto esateak
baztertzen
badozuz,
gose danari zeure
ogitik emoten
eta behartsuaren
preminea asetzen badozu,
zure argia
ilunpetan zabalduko da
eta zure ilunaldia
eguerdi bihurtuko.
Jaunak esana
Salmoa
Salmo egileak argi egiten
dausku berba: Errukitsu izatea zorion iturri da. Pobreari emotea zorion iturri
da. Horra hor gure argia!
Erantzun-salmoa Sal 111,4-5.6-7.8a eta 9
Jauna dot argi eta salbamen!
Zintzoentzat
ilunpetan argia lez sortzen da;
onbera da,
errukitsua eta zuzena.
Zorionekoa,
errukitu eta emoten dauana,
bere gauzak zuzen
atontzen dituana.
Ez da koloka
ibiliko behin ere,
haretaz oroitzeak
iraungo dau betiere.
Barri txarrak ez
dau bildurtzen,
bizkor dau bihotza
Jaunagan itxaroten.
Monitorea
Pazientzia dauka Jaunak, hau
da, errukitsua da. Beti dago zain fruitu onak emon dagiguzan:
Jesukristoren
Ebanjelioa San Lukasen liburutik (Lk 13, 1-19)
Gero, parabola hau esan eutsen Jesusek: «Gizon batek pikondo bat eukan bere
mahastian landatua. Joan zan piku bila eta ez eban aurkitu. Orduan,
mahastizainari esan eutson: Begira, badira hiru urte pikondo honetara piku bila
natorrela, eta ez dot aurkitzen. Ebagi egizu. Zertarako egongo da hor lurra
alferrik jaten?
Baina mahastizainak erantzun eutson: Jauna, itzi egizu aurtengoz; bitartean,
hondoa aitzurtu eta ongarria botako deutsat ea aurrerakoan fruiturik emoten
dauan; eta bestela, moztu».
Jaunak
esana!
Monitorea
Jainkoa
ez da nekatzen gu parkatzen.
Baina
guk be parkamen horren beharra sentitu behar dogu!
Jainkoagaz
ditudan hartuemonak, senideakaz ditudan hartuemonak, ni neugaz dodazan
hartuemonak aztertuko doguz orain…
Gogoeta
Batzutan…
arbolea ni naz…
- Zelako fruituak emon dodaz?
- Zuzentasuna?
- Egia?
- Konpartitzea?
- Alaitasuna?
- Erantzun onak?
- Pazientzia?
- Urte honetan fruitu hobeak emongo dodaz?
Kanta: Erruki Jauna, pekatu egin dogu-ta
Beste
batzutan mahastizaina ni naz…
- Nire beharra, etxean, lantokian, ondo egiten
ahalegintzen naz?
- Egiten dodan lan hori, Juana gurtzea dala kontuan
hartzen dot?
- Kontuan dodaz lan egin gura baina lan barik
dagozanak?
- Jubilazinoko pentsio eskasa edo urria daukienak
kontuan hartzen dodaz?
- Lan istripuetan hildako biktimak otoitzean eta
gogoan dodaz? Eta euren familiak?
- Badakit parkatzen, errukitsua naz, laguntze deutsat
hurkoari?
- Lapurtu dot, gutxietsi dot apala eta txikia?
- Errez baztertzen dodaz txikiak?
- Ingurugiroa jagoten dot, guztion etxea da mundu hau?
Kanta: Errukitsu Jainko Aita lez, Errukitsu Jainko
Ama lez (2)
Pentsatu
daigun orain pikondoaren Jabeaz:
- Eskertzen dot Jainkoak nigaz daukan pazientzia?
- Nire otoitza eskatzekoa edo eskertzekoa da gehien
bat?
- Maite dot nire burua Jainkoak maite nauan lez?
- Jagoten dot nire otoitz pertsonala eta taldean?
- Domekatan ahalegintzen naz mezea alkartegaz
ospatzen?
- Lotsa naz jende aurrean kristau lez agertzeko?
- Zer egiten dot, zelan eta noiz espirituaz be
hazteko?
- Hasarratu egiten naz Jaunaren borondateagaz?
- Berak nire nahia egitea bilatzen dot?
Kanta: Damu dot Jauna
Monitorea:
Ospakizunean parte hartzen
dogunok kandelatxo bana jaso dogu, amatata.
Gure bizitzaren ezaugarria
da.
Sarritan ez da argia
ingurukoentzat, ez dodaz ingurukoak laguntzen.
Pazko Argia be erdi erdian
dogu.
Kristo Biztua da gure argia.
Kandelatxoak Argi horretan
biztu eta altarearen aurrean jarriko doguz.
Hauxe eskatuko dogu: Aitaren
parkamena guregana heldu daitela.
Argi bila ibili gaitezala
beti.
Hauxe da Garizuma: aldendu
bagara, Argi Nagusira batu barriro be.
Mugatuak bagara eta ilunetan bagabiz be, Argi bidea egin gura
dogu.
Pobreengana. Gaztetxoengana.
Familiarengana. Boluntario eta eliztarrengana. Espiritual formazioa jagonda.
Ebanjelioaren ikasle misiolariak!
Kantak eta salmoak…
Abadeak: Kristoren argipean garbituko doguz orain
gure pekatuak.
Monitoreak: Nik
autortzen dautsat… (danok batera)
GURE AITA
Abadeak: Egin daigun otoitz, Jesukristok erakutsi
euskunez: Gure Aita...
BAKEAREN EZAUGARRIA
Abadeak: Kurutzearen bidez, Jesukristok berarekin
eta gure artean adiskidetu gaitu.
Horren ezaugarri lez, emon deiogun bakea alkarri “Arrenka eske gagoz” kantatuz..
ESKER OTOITZA
Abadeak: Sakramentu
honek Jesukristoren bizitza eskeintzen deusku.
Abesti honegaz eskerrak emongo
deutsaguz.
Esker onezko
kanta bat: Eskerrak bihotzetik Aita Jaungoikoa
PENITENTZIARAKO ARGIBIDEAK eta ASTE SANTURAKO OHARRAK
BEDEINKAPENA
Jauna zuekin.
Eta zure espirituarekin.
Bedeinkatu zagiezala Jainko ahalguztidunak,
Aitak eta Semeak eta Espiritu Santuak.
AMEN.
Jainkoak parkatu
egin ditu zuen pekatu guztiak. Zoaze Jaunaren bakean.
ESKERRAK JAINKOARI.
No hay comentarios:
Publicar un comentario