 |
| Pili Auzmendi |
Goiz zoragarria kanpoan, eguzkia eta beroa.
Alkartasunaren beroa, musikaren doinua San Pedro elizan Arratia Palenque alkartasun zubiak eregiten erakusketa ibiltariari
ondo etorria emoteko.
Badoa bere bidea egiten Euskal Misinoen historia eta lana
laburbiltzen dauan erakusketea. Egunotan Diman dago ikusgai eta aurkezpen
ekitaldi betea eratu dabe dimoztarrek. Parrokiko abesbatzak hainbat kanta
eskeini deutsiez bertaratutakoei.
Palenque, Ekuadorreko egoera azaldu dau Jose Mari
Kortazar abadeak, urteetan han egondako misiolariak. Josune Gorospek, ArratiakoUdalen Mankomunitatearen lehendakaria danak berba labur bezain mamitsuak
erabili ditu, Dima eta Arratia familia bategaz konparatuz eta misiolarien lana
goraipatuz.
Hunkigarria izan da Pili Auzmendi dimoztar alabaren
testigantza Kongon misiolari lez emondako urteak kontatuz eta lingala
hizkuntzaz Gure Aita otoitza abestuz amaitu dau. Bihotzean ditu urte hareek
Pilik!
Ikusle ugariek panelak ikusi eta kiniela misiolaria
egiteko aukerea izan dabe, luntx eder bategaz amaitzeko goiza oso ondo
hornidutako mahai batzuen bueltan.
Txalotzekoa benetan antolatzaileek egin daben lana
erakusketa eta lehen egun hau eratzen.
Erramu domekara arte Diman egongo da ikusgai erakusketea.
Hurrengo geldialdia Bedian izango da, apirilean.