Maiatzaren lehena San Jose langilea Jaia

 

Lorategietan, Gernikan, 12etan; Olabarrin, Errigoitin, 12etan.   

                                 Maiatzak 1:  SAN JOSE LANGILEAREN EGUNA

 Liturgia lagungarriak euskeraz. Gogoetatxoa. 

                                                         Olabarriko ermitea, Errigoiti

SARRERAKO OHARKIZUNA

 

            Gaur, maiatzaren lehenengo eguna, gure gizarteak LANGILEEN EGUNA ospatzen dau. Eta, badira urte batzuk, Elizea, egun honi kristau kutsu bat emon nahirik, SAN JOSE LANGILEAREN EGUNA ospatzen hasi zala.

 

            Nazareteko harotzak, Mariaren senar eta Jesusen aitaorde izan zanak, irakatsi deiskula guztioi lana santutzen eta, lanaren bidez, geure izatea eta gizartea hobeagotzen.

 

            Hasi dagigun Meza santua, "Hau da Jaunak egindako eguna..." abestuz.

 

 

DAMU-OTOITZA

 

            Senideok, damutu gaitezan geure hutsegite guztiekin, eta eskatu dagigun Jaungoikoaren parkamena:

 

            - Jesus Jauna, lana Jaungoikoaren zirgor lez hartzen dogulako. ERRUKI, JAUNA.

 

            - Jesus Jauna, sarritan lanari iges eginez, geure lanak inoren lepo gainera jaurtzen                 ditugulako. KRISTO, ERRUKI.

 

            - Jesus Jauna, geuk lana daukagunean, besteen lanik-ezaz gitxi arduratzen garealako.                        ERRUKI, JAUNA.

 

           

HITZAREN LITURGIA

 

 

Gn 1, 26--2, 3:

 

            Gaurko lehenengo irakurgaiak gogoratuko deusku zelan Jaungoikoak, mundua sortu ebanean, gizona gauza eta izaki guztien gainean jarri eban. Harrezkero, gizon-emakumeon egitekoa, geure lanagaz, Jaungoikoak gure eskuetan itzi eban izadia hobeagotzea izango da.

 

 

Erantzun-Salmoa:  "Jauna, zure maitasuna..."

 

 

Mt 13, 54-58:

 

            Bere herriko jentearentzat, Jesus "arotzaren semea" baino ez da izango. Jesusegan aparteko berezitasunik ez dabe ikusten.

JAINKO HERRIAREN OTOITZA

 

            Bere sortze-lanean, lankide izatera dei egin deuskun Jaungoikoari zuzendu deioguzan geure eskariak:

 

            - Elizearen alde: langileen arazoetatik hur egoten jakin dagian. ESKATU DEIOGUN         JAUNARI.

 

            - Ugazaba eta langileen alde: euren hartuemonetan, zuzentasunez eta anaitasunez jokatu       dagien, eta ez norkeriz eta alkarri min emonez. ESKATU DEIOGUN JAUNARI.

 

            - Gure gizartean, ekonomia eta lan-arazoen ardurea dauken guztien alde, agintarien eta   sindikalarien alde: lan krisiari urtenbide zuzen bat bilatzen ahalegindu daitezan.           ESKATU DEIOGUN JAUNARI.

 

            - Lanik aurkitu ezinda dabilzan guztien alde: beharrezkoa daben laguntza izan dagiela.         ESKATU DEIOGUN JAUNARI.

 

            - Meza honetan parte hartzen gagozan guztion alde: bakotxak bere lana ondo egiten   ahalegindu gaitezala, besteei egiten deutsagun zerbitzu lez eta geure nortasunaren         onerako. ESKATU DEIOGUN JAUNARI.

 

            Entzun, Aita, lanaren egun honetan, San Jose Langilearen bitartez egiten deutsuguzan eskari honeek. Jesukristo gure Jaunaren bitartez. Amen.

 

 

AZKEN AGURRA

 

            Maiatzaren lehenengo egun honetan, Jose Deunaren eguna ospatu dogu. Gure Mezako azken agurra haren emazte eta gure Amarentzat izango da.

 

            "Agur Jesusen Ama...."

GOGOETATXOA

2005eko maiatzaren 1ean, lehen aldiz aita santu zala, Vatikanoko leihora urten eban Benedito XVI.ak. San Joseri buruz egin eban berba. “Gaur maiatza hasten dogu. Kristau herrian ondo errotutako ospakizun liturgiko bategaz: San Jose langilea. (…) Pio XII.a aita santuak ezarri eban oroitzapen egun hau, duela berrogeita hamar urte (beraz aurten 50-20=70 urte). Lanaren garrantzia nabarmen egiteko, hain zuzen ere, eta Kristoren eta Elizaren garrantzia ere langileen munduan. Gaurko gizartean (eta Elizan) ere beharrezkoa da “lanaren ebanjelioaren” testigantza emotea (… ggoan izan Laborem exercens entziklika). Gura dot inoiz lanik falta ez izatea (langabezian dagozan familiak), gazteek batez ere, (gogoratu bertako gazteak, euren baldintzak, exigentzia, etorkizun iluna, eta kanpotik etorritako gazte asko, lan egin ezinik paper barik, paper barik lanik ez daukielako), eta lan-baldintzak izan daitezela gero eta errespetu handiagoak pertsonentzat” (lan duina, juztiziaren muina).

“Joseren bizitza osoa hartzen dau “arotzaren” tituluak. Lana izan zan Nazareteko bere familiari izan eutson maitasuna adierazteko eguneroko bidea. Jesus ere esaneko izan zan, Joseren lanean parte hartuz, eta ezagutu ere “arotzaren semetzat” ezagutzen eben”.

Lanak, (ondo egina), berbea betetzeak, lan duinak… Jainkoaren irudiko egiten gaitue. Berak bedeinkatzen dau lan bila dabilena, beharrean dagoena, pentsioduna, gizona zein emakumea.