Joan den zemendiaren 25ean Igorren inauguratu zan Arratia-Palenque. Elkartasun zubiak eregiten erakusketa ibiltariak
bere ibilbidean aurrera egiten jarraitzen dau; orain arte Igorren, Zeanurin,
Artean, Bilboko Begoñazpi Ikastolan egin ditu geldialdiak, eta martiaren 24tik
aprilaren 1era bitartean Diman izango da ikusgai. Ondoren, Arratiako gainontzeko
herrietan zehar ibiliko da, irakurten dogu gaurko Berria-Hitzan.
Arratiako Eleizeak antolatzen dauan
erakusketa honen helburu nagusia zera da: Arratia eta Ekuadorreko Los Ríos
probintziaren artean orain dala 64 urte eregi zan alkartasun zubia sendotzea. Kontuan
hartu behar da, 1948. urtean Los Ríosko misinoa zabaldu eben espedizinoko 8
misiolarietatik 3 arratiarrak zirala: Maximo Gisasola eta Eusebio Ozerinjauregi
zeaniztarrak, eta Frantzisko Arraibi lemoarra, azken hau oraintsu hil dalarik.
Erakusketea
Argazki, mapa eta testuen
bitartez, misinoaren historia eta baita gaur egun lurralde hareetan egiten dabiltzan
lana be batzen da erakusketan. Palenque mapan kokatuz eta misinoaren historiari
gainbegiratua eginez hasten da erakusketea. Beste sail batean, gaur egun lankidetzan,
garapenean eta askapenean egiten dabiltzan lana erakusten da: nekazal
kooperatibea, emakumearen lana, osasuna, herri kulturea, heziketea…
Ez dira ahazten munduko txoko
ezberdinetako misinoetan lanean dabiltzan arratiarrak be: Juanita Agirre eta
Maribel Egiluz Igorreko mojak, bata Perun, Congon bestea; Bediako Conchita
Basaguren, Venezuelan; Dimako Maria Luisa Artabe eta Felipe Bustinza, Kolonbian
eta Madagaskarren, Javi Pertika, Txilen, Blas Esparta., Argentinan; Zeanuriko
Joan Etxebarria, Justo Artaraz eta Xabier Goikuria, lehenengo Jerusalemen,
bigarrena, Bogotan (Kolonbia) eta
hirugarrena, Congon …
Azken atalean, gaur egun Arratian
misinoen alde egiten diran hainbat ekintza azaltzen dira: Igorreko tonbola
solidarioa gabonetan, Santa Ageda eguneko diru batzeak, Caritas Arratiak jairik jai, herririk herri antolatzen
dituan Bidezko Merkataritzako postuak edo etxerik etxe hiruhilabetean behin
Arratian zabaltzen diran Los Ríos izeneko aldizkariaren 400 aletik gora.
Aurrerantzean erakusketak
jarraituko dauan ibilbidea:
|
Herria
|
Eguna
|
Tokia
|
|
Dima
|
Martiaren 24a, 25a,
30a, 31 eta aprilaren 1a
|
Parrokian
|
|
Bedia
|
Aprilaren 22tik 29ra
|
Elizpean eta
Katekesi etxean
|
|
Lemoa
|
Maiatzean
|
Aste kulturalaren
egitarauaren barruan, Elizondon
|
|
Areatza
|
Bagilearen 4tik 10era
|
Ludotekan
|
|
Arantzazu
|
Bagilearen 29tik
garagarrilearen 1era
|
Bibliotekan
|