 |
| Santikurutz ermitea |
Jai honetarako liturgia lagungarriak eta irakurgaiak.
Iazko kronikatxoa.
Maiatzak 3: KURUTZE SANTUAREN AURKIKUNTZA
Hasierako
agurra
Senideok: Kurutze Santuaren aurkikuntzaren eguna
ospatzen dogu gaur, Jesukristoren Kurutze Santuaren Goralpen-jaia. Gure
kristau-fedearen ezaugarri nagusi den Kurutzera begira jartzen gaitu egun
honek. Hor ezarri dau-eta Jainkoak gizon eta emakume guztion salbamena; hor,
betiko bizira daroan biztueraren lehen oinarria.
Elkarteko ospakizun honetan baturik, eskerrak emongo deutsaguz,
gu bizi gaitezen bere bizia emon dauen Jaunari, eta bizi horren fruituak oparo
jaso dagiguzala eskatuko deutsagu Berari.
Damu-otoitza
Senideok: Kurutzean
salbamena
irabazi deuskun
Jesukristo Jaunarengan
gure uste osoa jarririk,
ospakizunaren hasieran
eskatu deiogun Jaunari
bere errukia
eta gure pekatu guztien
barkamena. (Isilunea)
- Jesus Jauna, Kurutzean josita, / salbamen-ezaugarri zaituguna: Erruki, Jauna.
- Jesus Jauna, Kurutzean josita, / neurrigabeko maitasuna adierazten deuskuzuna: Kristo, erruki.
- Jesus Jauna, Kurutzean josita, / betiko bizia eskeintzen deuskuzuna: Erruki, Jauna.
Erruki dakigula...
Otoitza
Jainko Jauna,
Gizon-emakume guztiak
zure Semearen bizitzak, maitasunak eta kurutzeko heriotzeak salbatzea nahi izan
dozu:
egizu, misterio hori
mundu honetan ezagutu dogunok
salbamenaren frutua lortu
dagigula, orain munduan eta gero zeruan.
Zure Seme Jesukristo.
Lehen
irakurgaia
Zenbakiak liburutik (Zen 21, 4-9)
Egun hareetan, Hor menditik Itsaso Gorrirako bidea hartu eben israeldarrek, Edomgo lurraldea inguratzeko asmoz. Baina herria, bideaz gogaituta, txarto esaka hasi zan Jainkoaren eta Moisesen aurka: «Zertarako atara ginduzuzan Egiptotik? Basamortuan hilteko? Ez dogu ogirik, ez urik, eta asperturik gagoz mana dalako janari kaskar honegaz».
Jaunak suge pozoitsuak bialdu eutsazan herriari, eta hareen ziztadaz israeldar asko hil zan. Orduan, Moisesegana joan eta esan eutsoen: «Pekatu egin dogu, Jaunaren eta zure kontra txarto esaka jardunez. Erregutu Jaunari sugeak gugandik urruntzeko».
Erregutu eban Moisesek herriaren alde, eta Jaunak esan eutsan: «Egizu brontzezko suge bat eta ipini haga baten muturrean. Sugeek zizta egindako guztiak, brontzezko sugeari begiratzean, osatu egingo dira». Egin eban Moisesek brontzezko sugea eta hagearen muturrean ipini eban. Eta sugeren batek norbaiti zizta egiten eutsanean, brontzezkoari begiratzean osatu egiten zan.
Egun hareetan, Hor menditik Itsaso Gorrirako bidea hartu eben israeldarrek, Edomgo lurraldea inguratzeko asmoz. Baina herria, bideaz gogaituta, txarto esaka hasi zan Jainkoaren eta Moisesen aurka: «Zertarako atara ginduzuzan Egiptotik? Basamortuan hilteko? Ez dogu ogirik, ez urik, eta asperturik gagoz mana dalako janari kaskar honegaz».
Jaunak suge pozoitsuak bialdu eutsazan herriari, eta hareen ziztadaz israeldar asko hil zan. Orduan, Moisesegana joan eta esan eutsoen: «Pekatu egin dogu, Jaunaren eta zure kontra txarto esaka jardunez. Erregutu Jaunari sugeak gugandik urruntzeko».
Erregutu eban Moisesek herriaren alde, eta Jaunak esan eutsan: «Egizu brontzezko suge bat eta ipini haga baten muturrean. Sugeek zizta egindako guztiak, brontzezko sugeari begiratzean, osatu egingo dira». Egin eban Moisesek brontzezko sugea eta hagearen muturrean ipini eban. Eta sugeren batek norbaiti zizta egiten eutsanean, brontzezkoari begiratzean osatu egiten zan.
Salmoa
Sal 77, 1-2. 34-35. 36-37. 38
R/. Ez ahaztu Jainkoak eginak
Entzun, ene herri, nire irakaspena,
makurtu belarria nire esanetara.
Ipuinetan berba egingo dot,
antzinako ezkutukiak azalduko ditut. R/.
Ebanjelioa
Jesukristoren Ebanjelioa San Joanen liburutik (Joan 3,
14-21)
Aldi haretan, Jesusek
esan eutson Nikodemori:
- «Moisesek basamortuan
sugea jaso eban lez, holantxe jaso-beharra da Gizonaren Semea; sinisten deutsan
guztiak betiko bizia izan dagian.
Hain maite izan dau
Jaungoikoak mundua: bere Seme bakarra emon deutso, Honi sinisten deutsonik inor
galdu ez daiten, betiko bizia izan dagian baino.
Jaungoikoak ez dau bere
Semea mundua galtzeko bialdu, Haren bitartez mundua salbau daiten baino. Hari
sinisten deutsonak ez dau auzirik izango; sinisten ez deutsonarentzat, barriz,
erabagita dago auzia, Jaungoikoaren Seme bakarraren izenean sinistu ez
daualako.
Honetan dago auzia:
etorri da argia lurrera, eta gizonak maiteago izan dabe iluna, argia baino;
okerrak ziralako euren egiteak. Izan ere, txarto egiten dauanak gorroto deutso
argiari, eta ez dator argitara, bere egiteak salatuko daben dildurrez. Egia
beteten dauna, barriz, argitara dator, bere egiteak agertu daitezan, Jaungoikoak
nahi dauan lez eginak dira-ta».
Gogoeta
Jainko-herriaren
otoitza
Senideok: Kurutzean jasoa izan dan bere Semearengan
salbamena eta betiko bizia eskeintzen deuskun Jainko gure Aitari egingo deutsagu
orain otoitz, mundu osoaren eta gizaki guztien alde eskatuz.
- Jesusen Kurutzearen bidez, gorde dagiala Eleizea sinesmenean
sendo, itxaropenean zintzo eta maitasunean iraunkor, eskatu daiogun Jaunari.
- Jesusen Kurutzearen bidez, emon deitsiela herri guztiei alkarren
arteko adiskidetasuna eta bakea, gizaki guztiak euren nortasun eta
askatasunaren jabe izan daitezen, eskatu daiogun Jaunari.
- Jesusen Kurutzearen bidez, emon deitsiela gaixoei osasuna eta
eroapena, zapaldu eta katibuei askatasuna, eta sufritzen dagozen guztiei barru-laguntasunaren
berotasuna, eskatu daiogun Jaunari.
- Jesusen Kurutzearen bidez, emon deiskula hemen batuta gagozen
guztioi egunero geure Kurutzea hartu eta Berari jarraitzeko indarra, batez ere
behartsu eta baztertuen zerbitzuan, eskatu daiogun Jaunari.
Hau da, Jaungoiko gure Aita, Zuk onartuko dozun ustetan,
egun honetan egiten deutsugun otoitza. Egizu, zure Seme Jesukristorekin batera
geure Kurutzea eroanez, heldu gaitezela Berarekin biztuerara. Errege bizi da-eta
gizaldi eta gizaldietan. Amen.
Oparigaien
otoitza
Opari honek garbitu
gaizala, Jauna,
pekatu guztietatik;
beronek kendu eban
kurutzeko altaran mundu guztiko pekatua.
Jesukristo.
Prefazioa
Jauna zuekin.
Eta zure espirituarekin.
Gora bihotzak.
Jaunagan daukaguz.
Eskerrak Jaungoiko gure
Jaunari.
Egoki da eta zuzen.
Egoki da, bai, eta zuzen
non-nahi eta beti Zuri
eskerrak emotea,
Jauna, Aita guztiz Santu,
Jaungoiko ahalguztidun
betiko Horri.
Kurutzeko zugatzean
ezarri dozu
gizon-emakume guztien
salbamena:
heriotzea sortu zan toki
beretik sortu zedin bizia,
eta zugatzean izan zedin
garaitua,
zugatzean garaile
izandako arerioa,
Jesukristo gure Jaunaren
bitartez.
Beronen bitartez,
aingeruak zure handitasuna goresten dabe,
espiritu dohatsuak zure
ospea adoratzen,
goiko indarrak Zuri ahuspez
agur egiten,
poztasun berak ditu
zerutar guztiak alkartzen.
Onartu egizu, Jauna,
euren gorespenekin bat
egin daiguzala geuk ere
gure kantu hotsak:
Santu, Santu, Santua…
Jaunartze
osteko otoitza
Jesukristo gure Jauna,
zure eskutik hartu dogun
janariak indar-barriturik,
Zeuri otoitzez gagoz;
Kurutzeko zugatzaren
bidez bizi-barritu gaituzunok
eroan gagizuz biztueraren
zorionera.
Errege bizi zara-ta.
Jaia Santikurutz ermitean Zeanuri eta Areatza bitartean 2011. urteko kornika laburra
Tradizioari jarraituz, Kurutzearen aurkitzearen (maiatzak 3.a) jai osteko hurrengo zapatuan 60 bat lagun alkartu gara Zeanuriko enklabe honetan, Santikurutz jaia ospatzeko. Aurten belu hasi da mezea, etortzeko ziran abade biak, Aita Juan Jose eta Jose Mari, atzeratuta etorri diralako karrera ziklista batek bidea ebagita euki dau-eta.
Hasieran landak, ortuak eta jendeak eskuan zituan adarraz egindako kurutzeak bedeinkatu dira ur eta gatzaz, bertaratuak "Bedeinkatua Zu!" kantetan eben bitartean.
Mezatan, aurtengo maiordomo dan Marianok, ermita honen ohiturak eta historia kontatu ditu, jendeak arreta handiz jarraituz azalpenok. Kanpoan haize gogorrak eta euriak joten eben bitartean, barruan fedearen beroak eta kanten alaitasunak batu ditu partaideak.
Amaitzeko, bertaratu guztien indarrak barritzeko, hamabitako ugaria bezain gozoa eskeini da. Tamalez ermitara heltzeko azken metroak txarto baino txarto dagoz. Dei egiten deutsiegu Areatza eta Zeanuriko udalei, alkar lanean, bitarte hori atontzeko, ahal izan ezkeroz.
 |
| Mariano maiordomoa |
Informazio gehiago, hona hemen Areatzako KT aldizkaria.