Caritas Arratiak 2011 urteari dagokion lanaren barri emon dau Igorren
izandako lan batzar baten. Hiru adar nagusitan egin dau lan Caritas Arratiak
iaz. Hona hemen labur labur egindakoaren informazioa.
1.- Harrera
23 espedienteri emon jake laguntza ekonomikoa. Adinez 8 kasutan 30 urtetik
beherakoak, 14 kasu 31 eta 45 urte
bitartekoak, eta bat bakarra, 45 urtetik gorakoa.
Familia motari begira danetarik egon da: kide bakarrekoak, bikoteak
seme-alaba barik edo seme-alabagaz edota ama seme-alabakaz.
Jatorriari begira, %13en jatorria Espainia da, %43 Senegal, eta besteak
Argelia, Marruecos edo Mauritaniakoak.
Egoera administratiboari begira, argi geratzen da Caritasek lagundu dituela
egoera normalizatua ez dituenak gehien bat. Legea edo estatua heltzen ez den
bazter horretan egin dau bere lan nagusia Caritas Arratiak. %17k bakarrik
daukie-eta egoera administratiboa erregulartuta.
Laguntza ekonomikoak 10.000 euroak gainditu ditu, oinarrizko beharrizanetan
laguntzen, edota legez dagokion laguntza jaso arte bitarte horretan laguntzen.
Aurten demandak gora egin dauenez, urrian Caritas Arratiak agortuta eukan
bere aurrekontua eta berau gainditu egin behar izan dau urtea amaitu bitartean.
2.- Sensibilizazioa
Caritas Arratiak lau kanpainatan lagundu dau, informazioa emonaz gai larrietan
eta diru laguntzak jasoz. Diru iturri nagusia Arratiako parrokiko eliztarren
bitartez heldu da. Neurriz bizi, Zure
apurra asko da, Garrantziko gauzak bihotz bihotzez egiten dira, eta Azkenengoak lehenengoak izan ziran iazko
kanpainak.
Informazioa bialdu da komunikabideetara eta hartuemonak egon dira bailarako
hainbat udal eta Udalen mankomunitategaz.
3.- Bidezko merkataritza
Arratian zehar, nekazal azokatan eta eliz atarietan, hainbat aldiz egin da
presente informazioa zabalduz eta produktuak salduz.
4.- Eskerrik asko
Caritas Arratiak bihotzez eskertu gura ditu euren lankide diren arratiako
gizon emakumeei, baztertuak senide moduan ikusi eta gizarte zuzenago bat
egiteko lanean.
Situación administrativa de los casos atendidos por Caritas Arratia acogida el año 2011
|
Permisos
|
Nº
|
%
|
|
Documentado
|
4
|
17,39%
|
|
Irregular
|
9
|
39,13%
|
|
Autorización sólo
residencia inicial
|
7
|
30,43%
|
|
Autorización trabajo y
residencia inicial por cuenta ajena
|
3
|
13,04%
|
|
Tarjeta de Estudiante
y autorización para trabajar
|
1
|
4,35%
|
|
Total
|
23
|
100,00%
|