Arantzazu: Jubilatuen alkarteko esker onezko meza

Arantzazuko Jubilatuen alkartekoak urteko ospakizuna izan dabe gaur. Lehenengo esker onezko meza ospatu dabe San Pedro parrokian, Hona hemen irakurri dan irakurgai bat eta otoitza. Ondoren senitarteko bazkarian 51 lagun batu dira Igorreko Arantza ostalean, alkate andrea eurekin egon dalarik.

Ene alaba, ez ahaztu nire irakaspena

eta izan gogoan nire aginduak,

bizitza luze eta zoriontsua emongo deutsue-eta;

ez eizuz galdu ontasuna eta leialtasuna,

eroaizuz beti zeurekin, ezarri barru‑barruan.

Onespena eta harrera ona izango dituzu

Jainkoaren eta gizakien aldetik.

Izan bihotzez Jaunarengan konfiantza

Zeure jarduera guztietan, izan Jauna gogoan,

eta berak eroango zaitu bide zuzenetik.

Zorionekoa zuhurtzia lortzen dauena,

zentzu ona bereganatzen dauena.

Zilarra eskuratzea baino hobe da,

urrea baino errentagarriago.

Koralak baino bikainagoa da,

gauzarik baliotsuena ere ez da beraren pareko;

Ez ukatu mesederik behar dauenari,

zure esku baldin badago egitea.

Behar dauena baldin badaukazu, ez esan inori:

<<Zoaz eta itzuli, bihar emongo dautsut>>.

Ez pentsatu gaizki egiterik

zurekin lasai bizi dan lagunari.

Ez zaitez indarzalearen inbidiaz bizi,

ez eta haren biderik hartu ere.

Gaiztoaren etxea madarikatzen dau Jaunak

eta zintzoaren egoitza bedeinkatzen;

harroputzei iseka egiten deutse

eta apal diranei babesa emoten.

                  (Esaera zaharrak 3, 1-34. aukera)

Otoitza

Jauna, zure inguruan talde bat osotzen dogu,
Arantzazuko jubilatuen taldea.
Zeu zara gure talde hau talde alkartu bat egiten dozuna. 
Zure maitasuna, zure poza eta zure indarra dira
gure alkarte honetan agiri diranak,
eta alkarte batu bat osotzera bultzatzen gaituenak. 
Jauna, guk alkar maitatu nahi dogu inor kanpoan itzi barik.
 
Pozik bizi nahi dogu
eta egun pozgarri bat alkarrekin pasatu nahi dogu.
Ez daitela gure artean inor baztertuta gelditu,
ez daigula inor gure artean despreziatu.
Triste eta arduraturik aurkitzen danari 
danon artean laguntzen ahaleginduko gara,
Zeu zarealako guztiok alkartzen gaituzuna.